Retratándonos

"retratos.m. 1. Debuxo, figura, fotografía, etc., que representa a imaxe, con máis ou menos detalle, dunha persoa ou grupo de persoas da realidade. Un retrato familiar." 

Primeira acepción da palabra retrato según o diccionario da R.A.G.

Esta fotografía foi feita alá polo ano 1929. Recolle un instante, un momento conxelado fai nada menos que 83 anos. As protagonistas, quizais pensaran nese intre no pai e no marido ausente, que un tempo despois de que o fotógrafo disparase, recibiría por correo en Buenos Aires, a proba gráfica de que a muller e a filla se atopaban ben. Porque naqueles tempos, coma nestes, a imaxe era poderosa fronte ás palabras. A fotografía, un reflexo da realidade. Un milagre capaz de parar o tempo para conteplalo despois.

Aquelas xentes poñíanse fronte ó fotógrafo coa intención clara de retratarse para os demais e para a posteridade. Os magos da cámara creaban nos seus estudios decorados teatrais nos que posar. Cortinóns, plantas, telas pintadas con paisaxes lonxanos...Un decorado irreal para retratar a persoas reais.                                                                                    
                                                        

Os retratados adoitan frecuentemente un aire de importancia, do que se sinte por un intre inmortalizado e en certo modo inmortal. Mirai senón estes dous homes de Pereiras. De orixen humilde, vestidos coas mellores galas, levan mirándonos dende os anos 30. Ou estas elegantes mulleres de Vigo. O sorriso espontáneo dunha delas fálanos dese momento, igual que a pose tan elegante da que, sentada, nos mira seducíndonos.

Na festa do lacón con Petelo celebrada na Cañiza o pasado fin de semana, aproveitando o espíritu dos anos 20 que se respiraba no pobo, decidimos improvisar un vello estudio fotográfico na carpa da praza maior. Por alí foron pasando os que quixeron retratarse regalándonos sorrisos e poses.

                        

Brindamos pola xente con iniciativa,  polos que fixeron posible a festa. Polos antergos que comían petelo para matar a fame e polos que o comemos para festexar. Saúde!

Cartel Orden día pleno 28-10-2011

PROPÓN:

A asistencia ao Pleno da Corporación Municipal do próximo venres día 28 de outubro, a todas as persoas que estean interesadas en participar de forma máis activa no funcionamento dos órganos do Concello.
Desde Ágora entendemos que é importante que como veciños coñezamos a motivación das decisións que se toman no goberno municipal. Así como as distintas problemáticas a solventar pola Corporación.
Como cidadáns temos a posibilidade de formular propostas cara un mellor desenvolvemento do pobo, dun xeito constructivo, evitando a crítica pola crítica. Entendemos que se nos facemos conscientes das nosas obrigas e dereitos como veciños, teremos máis forza para darlle voz ás nosas propostas ante os nosos representantes no Concello.

Orde do día do Pleno:

• Aprobación acta anterior
• Nomeamento, si procede, Xuiz de Paz titular do Concello.
• Aprobación reversión parcela “Molideira de Arriba” a Excma. Deputación Provincial.
• Trasvase de 13,99 l/s de auga do río Calvo, según petición do concello de Arbo.

Data e hora: venres 28 de outubro de 2011 ás 9,00 horas.

Ponse en coñecemento dos veciños que os Plenos do Concello de A Cañiza celébranse o último venres de cada mes par, as 9.00 horas.