Resumo pleno 26-08-2011 e suxestións de AGORA

ÁGORA informa: que o pasado venres 26 de agosto de 2011, as 9,00h, celebrouse un Pleno ordinario no Salón de Plenos do Concello de A Cañiza, coa asistencia de todos os membros da Corporación local.

Tratáronse, entre outros, os seguintes temas:

• Aprobación inicial de expediente de modificación de créditos – crédito extraordinario, para facer frente ao pago dunha factura pendente dende o ano 2007 á entidade mercantil COVSA, que se encargou da realización das obras de pavimentación do acceso ao campo de fútbol e o seu entorno. A oposición manifesta que entende as razóns técnicas para a aprobación deste expediente, pero non as políticas, toda vez que en ningún momento se da razón pola que a dita factura non foi abonada no ano presupuestario correspondente á realización das obras que ademáis xa foran recepcionadas polo Concello. Finalmente este punto apróbase cos votos favorables do grupo de goberno.
• Aprobación de suplementos de crédito para facer frente aos pagos en concepto de productividade dos traballadores municipais, así como a outros gastos (luz, ximnasio, biblioteca...), facendo uso do remanente de tesorería para gastos xerais.
• Aprobación de expediente de recoñecemento extraxudicial de créditos, modificando partidas presupuestarias, por importe de 7.156,72€, para facer frente ao pago de facturas do ano 2010 en concepto de suministros de bens e prestación de servizos, xa que non hai crédito no orzamento do ano 2011 para débedas contraídas en exercicios anteriores.
• Convenio ORAL (Impuesto Trac.vehículos vía telemática.). Este punto xa foi tratado no Pleno celebrado en data 14/07/2011, entonces non foi aprobado polos votos en contra do grupo PSOE. Nesta ocasión o grupo socialista manifesta ter estudiado máis detenidamente o expediente e vota a favor. Este punto é aprobado por unanimidade.
• Festivos locais: quedan establecidos como festivos locais o día 28/05/2010 “Pascuillas” e o día 15/07/2010 “Sta. Teresa”. Este punto é aprobado por unanimidade.
• Proposta de Alcaldía para nomear unha vocalía no ámbito do Consello territorial de Pontevedra, propoñendo ao Concello de Valga.
• Dase conta da liquidación do exercicio 2010.
• Dentro dos asuntos que poidan ser declarados de urxencia, preséntase unha moción do grupo popular para o apoio ao mantemento do servizo de ambulancias nocturnas en Ponteareas. Apróbase por unanimidade a inclusión desta moción no Pleno.
• O turno de rogos e preguntas adicouse á contestar ás preguntas que o grupo socialista presentara no día anterior, así como ás que formulou no Pleno. Finalmente, derivouse a unha disputa política centrada en temas electoralistas e partidistas que, dende o noso punto de vista, nada teñen que ver cos problemas veciñais nin cos seus intereses.

ÁGORA non entende cómo ninguén mencionou o problema de falta de abastecemento de auga que está a padecer agora mesmo o municipio e que constitúe un dos problemas que máis afectan a data de hoxe aos veciños.

ÁGORA solicita:

• O cambio de hora de celebración dos Plenos. Apelamos á condición dos cargos políticos como servidores públicos e, polo tanto, co fin de garantir o dereito de todos os veciños a asistir ao Pleno, solicitamos se fixe unha hora que non interfira coas xornadas laborais dos veciños para fomentar unha maior participación destes nas decisións que se adoptan por parte do goberno municipal, xa que somos nos principais afectados e beneficiarios de todas as decisións que se adopten no Concello. E apelamos, asimesmo, ao cumprimento do disposto no artigo 69 da vixente Lei 7/1985, de 2 de abril, Reguladora das Bases do Réxime Local: “As Corporacións locais facilitarán a máis amplia información sobre a súa actividade e a participación de todos os cidadáns na vida local.”
• Que os diferentes grupos integrantes da Corporación municipal utilicen o Pleno para tratar únicamente cuestións que afectan aos veciños, e non como cancha na que despachar os seus problemas de partido ou as súas rencillas políticas que non son de interés público, senón persoal de quen os plantexa. Reinvindicamos que o Pleno sexa un espazo adicado únicamente aos intereses dos veciños.
• Que se elabore un Regulamento para o Pleno no que se recolla a posibilidade de que os veciños teñan voz ao final do mesmo, dun xeito organizado, por colectivos, e coa regulamentación que o Concello estime máis convinte para acadar un desenvolvemento ordenado do Pleno. Mencionamos neste punto o disposto no artigo 70 bis da mencionada Lei 7/1985: “Os concellos deberán establecer e regular en normas de carácter orgánico procedementos e órganos axeitados para a efectiva participación dos veciños nos asuntos da vida pública local, tanto no ámbito do municipio no seu conxunto como no dos distritos, no suposto de que existan no municipio ditas divisións territoriais.”
  No entanto, en ausencia deste Reglamento, solicitamos a aplicación do artigo 88 do Real Decreto 2568/1986, de 28 de novembro, polo que se aproba o Reglamento de organización, funcionamento e réxime xurídico das Entidades Locais, dispón no seu punto 3 o seguinte: “O público asistente ás sesións non poderá intervir nestas, nin tampouco poderán permitirse manifestacións de agrado ou desagrado, puidendo o Presidente proceder, en casos extremos, á expulsión do asistente que por calquera causa impida o normal desenvolvemento da sesión. Sen prexuizo delo, unha vez levantada a sesión, a Corporación pode establecer un turno de consultas polo público asistente sobre temas concretos de interés municipal.”